ЗАЛУУЧУУДАД ЗОРИУЛАН СУРАХ БИЧИГ ЗОХИОЖЭЭ

Р.Чойном 1936 онд Хэнтий аймгийн Дархан суманд төрж, 43 насандаа хүнд өвчний улмаас насан өөд болжээ.
Тэрээр дөрөвдүгээр ангийн боловсролтой хэдий ч орос, казак хэлийг өндөр түвшинд эзэмшсэн, англи, герман хэлийг судалж байсны зэрэгцээ эсперанто хэлний сурах бичиг залуучуудад зориулан зохиож байсан боловч дуусгаж амжаагүй байна.
Мөн яруу найрагч, зохиолч, судлаач, уран барималчин, зураач, ая зохиогч, сийлбэрчин зэрэг олон талын авьяастай байсан нь түүний хийж үлдээсэн уран бүтээлээс нь харагдаж байгаа юм.